Өнөөдөр манай шилдгүүд хүч үзнэ
“Астана-2026” чөлөөт, сонгомол бөхийн дэлхийн аварга шалгаруулах тэмцээний дөрөв дэх өдөр буюу өнөөдөр /10.27/ эмэгтэй чөлөөт бөхийн төрөл эхэлнэ.
Эмэгтэй чөлөөт бөхийн эхний өдөр 50, 57, 65, 76 кг жинд манай улсаас дэлхийн медальт дөрвөн шилдэг барилдана.
Эмэгтэйчүүдийн 50 кг жинд:
ДАШТ-ий хошой мөнгө, хүрэл медальт Д.Отгонжаргал хүч сорино. "Парис-2024" олимпын наадмаас хойших эхний тэмцээндээ оролцож байгаа тэрбээр Мароккогийн Хажар Канебтай барилдах оноолттой байна.
Эмэгтэйчүүдийн 57 кг жинд:
ДАШТ-ий мөнгөн медальт Б.Хулан, Бразилийн Жуллиа Пеналбертэй оноолт таарсан. Ялсныг нь шигшээ 16-д БНХАУ-ын тамирчин, жингийнхээ дэлхийн чансааг өнгөлж буй Хун Кэсинь хүлээж байна. Тэрбээр энэ оны Азийн АШТ болон Азийн наадамд дараалан түрүүлсэн агаад 2026 онд ялагдаагүй байгаа юм.
Эмэгтэйчүүдийн 65 кг жинд:
Тус жингийн дэлхийн чансааны 2-р байрт эрэмблэгдээд буй өнгөрсөн оны ДАШТ-ий хүрэл медальт Т.Энхжин эхний тойрогт гоц мөргөлөө. Түүний хувьд, шигшээ 16-д Төв Африкийн Бүгд Найрамдах Улс болон Германы тамирчны ялсныг хүлээж байна.
Эмэгтэйчүүдийн 76 кг жинд:
ДАШТ-ий мөнгөн медальт Э.Даваанасан, ОХУ-ын Марииа Силинатай барилдахаар оноолт таарчээ.
Дэлхийн дэвжээнд эх орноо төлөөлөн өрсөлдөх нийт тамирчиддаа амжилт хүсье!
Сурталчилгаа
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.