Саудын Араб дахь халдлагын улмаас Азийн гольфын тэмцээнийг хойшлуулжээ
Азийн гольфын холбоо болон “Golf Saudi” байгууллага Саудын Арабын Эр-Рияд хотод зохион байгуулахаар төлөвлөсөн, таван сая ам.долларын шагналын сантай “PIF Saudi International” тэмцээнийг бүс нутгийн аюулгүй байдлын нөхцөл байдлын улмаас тодорхойгүй хугацаагаар хойшлуулжээ.
Тэмцээн “Riyadh Golf Club”-д болохоор төлөвлөгдсөн байсан ч зохион байгуулагчид шинэ тов болон байршлыг хараахан зарлаагүй байна. Аюулгүй байдлын эрсдэл, нислэг болон ложистикийн хүндрэл нь тамирчид, зочдын оролцоонд нөлөөлж болзошгүй гэж үзжээ.
Гольфын тэмцээнийг хойшлуулахад бүс нутгийн аюулгүй байдлын нөхцөл байдал хурцадсан нь голлон нөлөөлжээ. Йемений хусит хөдөлгөөнөөс Саудын Арабын дэд бүтэц, боомт, нисэх буудлуудад нисгэгчгүй онгоц болон баллистик пуужингаар халдсан гэх мэдээлэл гарсан байна. Үүний улмаас агаарын тээврийн үйл ажиллагаанд саатал үүсэж, гадаадын тамирчид, зочид төлөөлөгчдийн зорчих нөхцөл саатан, тэмцээний зохион байгуулалт, ложистикт хүндрэл учирчээ.
Эх сурвалж:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.