АНУ Ираны цөмийн байгууламжид "бүх бөмбөгийн эх"-ийг ашиглахаар төлөвлөж байна
АНУ-ын Зэвсэгт хүчин Ираны эрчим хүчний дэд бүтэц болон цөмийн байгууламжуудад цохилт өгөх шинэ хувилбаруудыг боловсруулж, цөмийн бус хамгийн том зэвсэг болох GBU-43/B буюу "бүх бөмбөгийн эх" (MOAB) бөмбөгийг ашиглах боломжийг судалж байгаа талаар CNN агентлаг мэдээллээ.
Цагаан ордон болон Пентагоны төлөвлөгөө нь Ерөнхийлөгч Дональд Трамп конгрессын завсрын сонгуулийн өмнө болон дараа байлдааны ажиллагааг сэргээх тушаал өгөх тохиолдолд бэлэн байх зорилготой юм. АНУ-ын агаарын цохилт зургаан сар гаруй үргэлжилж байгаа бөгөөд олон нийтийн дунд нэр хүнд нь унасан энэ дайныг зогсоох шахалт засаг захиргаанд ирж байна. Бүгд найрамдах намын хувьд ирэх 11 дүгээр сарын завсрын сонгуульд сонгогчдын зүгээс эсэргүүцэлтэй тулгарахаас болгоомжилж байгаа юм.
Хэлэлцэж буй төлөвлөгөөнд тусгагдсан байнуудын тоонд Ираны "Pickaxe Mountain" зэрэг эрчим хүч, цөмийн чухал цэгүүд багтжээ. Нийт 22,000 фунт буюу ойролцоогоор 10 тонн жинтэй уг асар том зэвсэг нь агаарт дэлбэрч өргөн хүрээг хамарсан хүчтэй даралтын давалгаа үүсгэдэг онцлогтой. Гэвч уг бөмбөгийг ердийн байлдааны сөнөөгч болон үл үзэгдэгч бөмбөгдөгч онгоцоор тээвэрлэх боломжгүй бөгөөд зөвхөн тусгайлан тоноглосон C-130 зэрэг ачаа тээврийн том, удаан онгоцоор тээвэрлэх шаардлагатай болдог байна.
Цэргийн хүрээний шинжээчид болон төлөвлөгөөнд оролцож буй албаныхан энэхүү зэвсгийг байлдаанд оруулах нь хурцадмал байдлыг эрс нэмэгдүүлж болзошгүй төдийгүй стратегийн зорилгодоо хүрч чадах эсэхэд эргэлзэж байна. Дайсны агаарын хамгаалалттай бүсэд удаан хурдтай ачааны онгоц хялбар өртөх өндөр эрсдэлтэйгээс гадна Fordow зэрэг газрын гүнд маш сайн бэхлэгдсэн цөмийн байгууламжуудын эсрэг уг бөмбөг нь GBU-57 зэрэг тусгай зориулалтын бэхлэлт нэвтлэгч зэвсэгтэй харьцуулахад үр дүн багатай гэж үзэж байгаа юм.
Эх сурвалж:
• kq2.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.