Францын тэргүүн баяныг 22.5 сая евро төлөх ёстой гэж шийдвэрлэжээ
Франц улсын хамгийн баян эрхэм, тансаг хэрэглээний "LVMH" группийн тэргүүн Бернар Арнотой холбоотой хамгийн сүүлийн үеийн хоёр мэдээ нийтлэгдлээ. Нэг нь шүүхийн маргаан бол, нөгөө нь хэвлэл мэдээллийн салбарт тогтоож буй монопол байдлын тухай байна.
Тус улсын захиргааны давж заалдах шатны шүүхээс Бернар Арно болон түүний гэргий Элен Мерсье-Арно нарыг дутуу төлсөн татвар, хүү болон торгуульд нийт 22.5 сая евро төлөх шийдвэрийг гаргажээ.
Бельги дэх толгой компаниас 50 сая евро татан авсантай холбоотой энэ хэргийг Арногийн тал өөрийн хөрөнгөө буцаан авсан хэмээн тайлбарлаж буй ч шүүх ногдол ашиг гэж үзсэн тул тэд Францын төрийн дээд зөвлөл болох "Conseil d'État"-д гомдол гаргаад байна. Үүнээс гадна 2002 онд "Hermès" брэндийн өв залгамжлагч Николя Пюэш болон түүний хөрөнгийн менежер Эрик Фреймонтой хийсэн нууц хэлэлцээр зэрэг өнгөрсөн үеийн эрсдэлтэй худалдан авалтууд ч хуулийн хяналтад өртөж байгаа юм.
Бернар Арногийн улс төр, хэвлэл мэдээллийн салбар дахь нөлөө ч шүүмжлэл дагуулж байна.
"LVMH" групп "Challenges" эдийн засгийн долоо хоног тутмын сэтгүүлийг эзэмшилдээ авснаар "Les Echos", "L'Agefi", "Le Parisien", "Paris Match" зэрэг нөлөө бүхий хэвлэлүүдийн араас бизнесийн сэтгүүл зүйг бүхэлд нь хяналтдаа авах эрсдэл бий болгож байна хэмээн сэтгүүлчдийн үйлдвэрчний эвлэл болон "Хил хязгааргүй сэтгүүлчид" байгууллага буруутгаж байна.
Эх сурвалж:
• vertexaisearch.cloud.google.com
•
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.