Гелэн капсул жин хасахад тусалдаг

Төрөл бүрийн эм бэлдмэл, зарим төрлийн шим тэжээлийн гадуур бүрхсэн байдаг гелэн капсул таныг илүүдэл жингээ хасах, жингээ барихад нэн тустай байж магадгүй гэдгийг Европын Конгрессийн хэт таргалалттай тэмцэх газраас мэдэгджээ.

Хэрэв та хоолны өмнө гелэн капсул ууж хэрэглэвэл таны жин хасах магадлалыг хоёр дахин нэмэгдүүлдэг байна. 400 гаруй хүнд хийсэн туршилтаар гелэн капсул тэдний 59 хувьд үйлчилсэн ба жин хасах магадлалыг хоёр дахин нэмжээ.

Гадуураа капсулан бүрхүүлтэй тэжээл өөх тосоо шимэгдүүлэлгүй шууд ходоод болон гэдсэнд ордог байна. Ийм гелэн капсулыг жимс, хүнсний ногооноос гаргаж авдаг эслэгээр хийдэг. Гурван ширхэг капсулыг хоол идэхээс 20 минутын өмнө хоёр аяга устай ууж хэрэглэвэл тохиромжтой гэж үзжээ.

Гэдэс ходоодонд орсон капсул хүнсний ногоотой адил бусад хоол хүнсний бүтээгдэхүүнтэй холилдон ходоодыг дүүргэж хэвж зажлах үйл явцыг эхлүүлдэг. Ингэснээр та цадсан мэдрэмж авч хэт их идэхээс татгалзаж жин хасах үйл явц түргэсэх юм. Ямар нэг химийн нөлөөгүй механикаар хоол боловсруулах эрхтний үйл ажиллагаанд гелэн капсул устай хамтран тусалдаг байна.

Хэт таргалалт судалдаг эрдэмтэд ирэх жилээс капсултай эм бэлдмэл, шим тэжээл хэрэглээнд өргөнөөр нэвтэрнэ хэмээн таамаглаж байгаа ажээ.

Эх сурвалж: www.theguardian.com