Дарханд Монголын таван баг дэлхийн шилдгүүдтэй өрсөлдөнө

Энэ амралтын өдрүүдэд (наймдугаар сарын 1-2) Монгол улсын Дархан хотноо Фиба 3х3 сагсанбөмбөгийн "Darkhan Challenger 2026" тэмцээн зохион байгуулагдана. 

Энэхүү тэмцээн нь энэ улирлын 14 дэх Чалленжер бөгөөд эхний 3 байрт шалгарсан багууд World Tour тэмцээнд оролцох эрх авах тул тоглолт бүр маш өндөр хариуцлагатай, чухал ач холбогдолтой юм. Энэ ч утгаараа шилдэг багууд Монгол улсад хуран цуглаад байна. Бүх багуудын чансааны дагуу Сербийн алдарт Лиман баг тэргүүлэн оролцох бол Монгол улсаа төлөөлөн Улаанбаатар ММС Энержи, Сансар М Банк, Завхан, Тэрэлж, Дархан зэрэг багууд оролцоно. 

Тэмцээний эхний өдөр буюу наймдугаар сарын 1-ний өдөр урьдчилсан болон хэсгийн шатны тоглолтуудын хуваарийг танилцуулж байна. 

Урьдчилсан шатанд:

11:00 цагт Дархан баг Чехийн Либерек багтай, 11:50 цагт Тэрэлж болон Дархан багууд хоорондоо, 12:40 цагт Тэрэлж баг Чехийн Либерек багтай тус тус тоглох хуваарьтай байна. Урьдчилсан шатны А хэсгээс гарсан баг үндсэн шатны С хэсэгт Франц болон Канадын шигшээ багуудтай тоглох оноолттой байна.

Тэгвэл урьдчилсан шатны В хэсэгт Завхан баг 11:25 цагт Энэтхэгийн Силигури багтай, 13:05 цагт Латвийн Журмала багтай тус тус тоглох хуваарьтай байна. 

Үндсэн шатанд:

А хэсэгт Сансар М Банк баг 15:45 цагт Сербийн Лиман багтай, Литвийн Марижампол багтай 19:25 цагт тус тус тоглох хуваарьтай байна. 

В хэсгийг тэргүүлэн тоглох Улаанбаатар ММС Энержи багийн хувьд 15:20 цагт Венесуэлийн Каунас багтай, 17:10 цагт Хорватын Сибона багтай тоглох хуваарьтай байна.