Дэлгэрцогт сумын намын ахмад гишүүддээ хүндэтгэл үзүүлэв

“Ардын нам-Ард түмэндээ” аяны хүрээнд Монгол Улсын Их Хурлын гишүүн Д.Ганмаагаар ахлуулсан баг Дундговь аймгийн Дэлгэрцогт суманд ажиллав. 

Тус багийн бүрэлдэхүүнд ажиллаж буй УИХ-ын гишүүний зөвлөх Б.Билгүүн, С.Болд, Хяналтын ерөнхий хорооны хянан шалгагч Ж.Баярмаа, Улс төрийн манлайллын академийн сургалт хариуцсан мэргэжилтэн Б.Мөнхтөр нарын албаныхан тус сумын намын ахмад гишүүн С.Долгорсүрэн,  З.Содномпэл, Н.Пүрэвсүрэн нартай уулзаж, Монгол Ардын намын даргын мэндчилгээг уламжилж, санал хүсэлтийг нь сонслоо. 

Ахмад гишүүдийн ажил, амьдралын арвин туршлага, намын үйл ажиллагаа болон орон нутгийн хөгжлийн талаарх санал бодол, зөвлөмжийг нь сонсож, цаашид анхаарч ажиллах асуудлуудын талаар ярилцсан юм. 

Мөн сумын намын гишүүд, дэмжигчидтэй уулзалт зохион байгуулав. Уулзалтын үеэр Монгол Ардын намын үйл ажиллагаа, Улсын Их Хурал болон Монгол Улсын Засгийн газраас хэрэгжүүлж буй бодлого, төсөл, арга хэмжээ, Ерөнхий сайдын санаачлан хэрэгжүүлж буй ажлуудын талаар мэдээлэл, танилцуулга хүргэв.

Уулзалтад оролцсон намын гишүүд орон нутгийн хөгжил, засмал зам, сургууль, сумын нэгдсэн эмнэлэг, иргэдийн амьдралын чанар, төрийн үйлчилгээ зэрэг суманд тулгамдаж буй асуудлуудын талаар санал хүсэлтээ шийдвэрлэх боломжит гарц, цаашид авч хэрэгжүүлэх арга хэмжээний талаар харилцан ярилцлаа хэмээн МАН-ын ХМОНХГ-аас мэдээлэв.