Гал унтраах техник спортын улсын аварга шалгаруулах тэмцээн эхэллээ
Сурталчилгаа
Онцгой байдлын байгууллагын Гал унтраах техник спортын улсын аварга шалгаруулах тэмцээний нээлтийн үйл ажиллагаа өчигдөр боллоо. Тус тэмцээнд 21 аймаг, нийслэлийн Онцгой байдлын газрын эрэгтэй 29, эмэгтэй хоёр багийн 340 орчим алба хаагч ур чадвараа сорьж байна.
Гал унтраах техник спорт нь Онцгой байдлын албаны мэргэжлийн спорт бөгөөд албаны бэлтгэл, бэлэн байдлыг хангах, алба хаагчдын мэргэжлийн ур чадвар, авхаалж самбаа, тэсвэр, хатуужлыг сорьдог онцлогтой.
Улсын аварга шалгаруулах тэмцээн нь эрэгтэйчүүдийн 26, эмэгтэйчүүдийн анхдугаар тэмцээн бөгөөд баг тамирчид довтолгооны шат, саадтай 100 метр, 4х100 метрийн буухиа гүйлт, байлдааны тархалт гэсэн дөрвөн төрлөөр өрсөлдөж, аваргуудаа шалгаруулах юм.
Гал унтраах техник спорт Монгол улсад 1956 оноос хөгжиж эхэлсэн бөгөөд (хуучнаар) ЗСБНХУ-ын Ленинград хотын Галын техникийн дунд сургууль төгсөж ирсэн алба хаагчид анх суурийг тавьсан түүхтэй билээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.