Японд үүссэн хар салхины улмаас зарим нислэгийн хуваарьт өөрчлөлт орлоо

Японы баруун өмнөд хэсэгт үүсээд буй хар салхины хурд 144 км/цаг хүрч, ширүүн салхи, их хэмжээний бороо, үерийн аюулын талаар тус улсын цаг уурын байгууллага анхааруулсаар байна.

Иймд МИАТ ТӨХК-ийн зүгээс нислэгийн аюулгүй ажиллагааг хангах үүднээс өнөөдөр /2026.8.11/ /болон маргааш 2026.8.12/-ийн дор дурдсан нислэгүүдийн цагийн хуваарьт өөрчлөлт орж байгааг үүгээр мэдэгдье.

Нислэгийн шинэчилсэн цагийн хуваарь OM509 аяллын дугаартай Улаанбаатар-Нарита чилэлийн нислэг Чингис хаан ОУНБ-аас 05.00 цагт хөөрч, 09.55 цагт Наритад бууна.

OM510 аяллын дугаартай Нарита-Улаанбаатар чиглэлийн нислэг Наритагаас орон нутгийн цагаар 10.55 -цагаас хөөрч, 16.30 цагт Улаанбаатарт бууна. OM303 аяллын дугаартай Улаанбаатар-Инчеон чиглэлийн нислэг 17.30 цагаас Чингис хаан ОУНБ-аас хөөрч, 20.40 цагт Инчеонд бууна.

OM304 аяллын дугаартай Инчеон-Улаанбаатар чиглэлийн нислэг орон нутгийн цагаар 21.40 цагт хөөрч, Улаанбаатарт 01.20 цагт бууна. Нислэгийн цагийн хуваарийн өөрчлөлттэй холбоотой бусад санал хүсэлтийн талаар 11-333-999 дугаарт холбогдоно уу. Зорчигч үйлчлүүлэгч та бүхэн нислэгийн аюулгүй ажиллагааг хангах үүднээс хэрэгжүүлж буй дээрх өөрчлөлтөд хүлээцтэй хандана уу.