Колумб улсад 7.4 балын хүчтэй газар хөдөлж 130 гаруй хүн амиа алджээ
Колумб улсын баруун хэсэгт орших Чоко мужийн Сан-Хосе-дель-Пальмар хотын орчимд орон нутгийн цагаар даваа гаргийн өглөө 07:34 цагт 7.4 балын хүчтэй газар хөдлөлт болж,132 хүн амиа алдаж, 620 гаруй хүн бэртэж гэмтэн, 2000 гаруй хүн сураггүй болоод байна.
Колумбын Геологийн албанаас (SGC) энэхүү гамшгийг тус улсад сүүлийн арван жилд бүртгэгдсэн хамгийн хүчтэй газар хөдлөлт хэмээн тодорхойлсон бөгөөд газар хөдлөлтийн голомт нь Номхон далайн эргийн идэвхтэй бүсэд 82-оос 110.3 километрийн гүнд байжээ.
Байгалийн гамшигт үзэгдэл нь Перейра, Кали, Кибдо, Манисалес зэрэг хэд хэдэн томоохон хотуудад асар их хэмжээний хохирол учруулаад байна. Одоогийн байдлаар 60 гаруй барилга байгууламж нурж, 1500 гаруй орон сууц эвдэрч сүйрсэн байна. Манисалес хотын түүхэн дурсгалт Сүмийн нэгэн цамхаг нурсан бөгөөд бүс зургаан нисэх буудлын үйл ажиллагааг түр зогсоожээ. Мөн наймдугаар сарын 13-нд товлогдсон дотоодын хөлбөмбөгийн тэмцээнүүдийг хойшлуулсан байна. Газар хөдлөлтийн чичиргээ нийслэл Богота хотоос гадна хөрш зэргэлдээ Венесуэл, Эквадор, Панам улсуудад хүчтэй мэдрэгджээ.
Ерөнхийлөгч Абелардо де ла Эсприелла улс орондоо "үндэсний хэмжээний гамшиг" буюу онц байдал зарлаж, аврах ажиллагаанд улсын төсвөөс шууд санхүүжилт гаргах шийдвэр гаргав. Засгийн газраас Нэгдсэн удирдлагын төвийг байгуулан ажиллаж байгаа бөгөөд Ерөнхийлөгч гамшигт нэрвэгдсэн бүс нутгуудад биечлэн очихоор төлөвлөж байна.
Эх сурвалж:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.