Эритрей Улаан тэнгис дэх стратегийн байр сууриараа олон улсын анхаарлыг татаж байна
Ойрхи Дорнодын мөргөлдөөн, Улаан тэнгис болон Ормузын хоолойн тээврийн хүндрэлтэй холбоотойгоор Зүүн Африкийн Эритрей улсын геополитикийн ач холбогдол нэмэгдэж байна.
Улаан тэнгисийн эрэг дагуу 1000 орчим километр үргэлжлэх тус улсын усан зам нь Ормузын хоолойн хүндрэлээс шалтгаалан олон улсын худалдаанд альтернатив чиглэл болж болохыг Reuters онцолжээ. Мөн Йемений хуситуудын халдлагын улмаас Улаан тэнгисийн зарим хэсгээр усан тээвэрт эрсдэл нэмэгдсэн байна.
АНУ өнгөрсөн сард Эритрейн эрх баригчид болон цэргийн байгууллагад тавьсан хориг арга хэмжээг цуцалсан нь Вашингтон, Асмарагийн харилцаа сэргэх боломжийг нэмэгдүүлжээ. Гэвч Эритрей дотооддоо хатуу улс төрийн тогтолцоо, хугацаагүй үндэсний цэргийн алба зэрэг асуудалтай хэвээр байна.
НҮБ-ын Дүрвэгсдийн асуудал эрхэлсэн байгууллагын мэдээллээр 2025 оны байдлаар 673 мянга гаруй Эритрей иргэн гадаадад дүрвэгч, орогнол хүсэгчээр бүртгэгдсэн байна. Мөн Эритрей, Этиопын харилцаа хурцдаж, хоёр улс өнгөрсөн долоо хоногт дипломат харилцаагаа тасалсан нь бүс нутгийн нөхцөл байдлыг улам төвөгтэй болгож байна.
Эх сурвалж:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.