Мексикийн ТикТок-чин шууд дамжуулалтын үеэр буудуулж амиа алджээ

Мексикийн Синалоа мужийн Кулиакан хотод TikTok платформд 600 мянга орчим дагагчтай, контент бүтээгч 24 настай Сесар Гастелум олон нийтийн сүлжээнд шууд дамжуулалт хийж байх үедээ буудуулж амиа алдсан хэрэг гарлаа.

Хэрэг 2026 оны наймдугаар сарын 4-ний мягмар гаргийн орой нэгэн түргэн хоолны газрын гадна талд гарсан байна. Хохирогч Сесар Гастелум нь хоёр найзынхаа хамтаар сошиал сүлжээний сорилтод оролцож, хоол хүргэлтийн ажилчдын тод улбар шар өнгийн хүрэм өмсөж, үүргэвч үүрэн шууд дамжуулалт хийж байжээ.

Энэ үеэр хамгаалалтын малгай өмссөн хоёр этгээд мотоциклтойгоор тэдний дэргэд ирж зогссон байна. Мотоциклын жолооч Гастелумын толгойн тус газарт тулган буудаж, хэргийн газраас шууд зугтжээ. Хяналтын камер болон шууд дамжуулалтад үлдсэн бичлэгүүдийг платформууд удалгүй устгасан байна.

Мексикийн Холбооны аюулгүй байдлын кабинет болон Синалоа мужийн прокурорын газар уг хэргийг хамтран шалгаж эхлээд байна. Мөрдөн байцаагчид хохирогчийн сошиал хуудаснаа оруулж байсан контентуудыг голчлон судалж байгаа бөгөөд түүний зарим нийтлэлүүд гэмт хэргийн бүлэглэлийн фракцтай холбоотой байж болзошгүй гэж үзэж байгаа аж.

Хэрэг гарсан Кулиакан хот нь "Синалоа Картель" бүлэглэлийн дотоод фракцууд болох "Лос Маёос" болон "Лос Чапитос" нарын хоорондох цуст тэмцлийн төв цэг бөгөөд тус бүс нутагт картелийн соёлыг магтан дуулдаг "нарко соёл" газар авснаар инфлюнсерүүд халдлагын бай болох нь ихэсжээ.

Эх сурвалж:

• eagle.mn

• straitstimes.com

•

• theguardian.com

• isee.mn