БНСУ-ын Ерөнхийлөгч И Жэ Мён Үндэсний их баяр наадмын хүндэт зочноор оролцоно

Бүгд Найрамдах Солонгос Улсын Ерөнхийлөгч гэргий Ким Хе Гёны хамт 2026 оны долоодугаар сарын 9-11-ний өдрүүдэд Монгол Улсад төрийн айлчлал хийнэ.

БНСУ-ын төрийн тэргүүний Монгол Улсад хийж буй энэхүү айлчлал нь 15 жилийн дараах анхны төрийн айлчлал гэдгээрээ онцлог бөгөөд хоёр орны харилцаа, хамтын ажиллагааг шинэ шатанд гаргахад чухал ач холбогдолтой гэж үзэж байна.

Айлчлалын хүрээнд хоёр улсын Ерөнхийлөгч нар албан ёсны уулзалт хийж, “Стратегийн түншлэл”-ийг бэхжүүлэх тухай хамтарсан мэдэгдэл гаргахаар төлөвлөжээ. Мөн эдийн засаг, ашигт малтмал, бүс нутгийн болон олон улсын хамтын ажиллагааг өргөжүүлэх чиглэлээр хэд хэдэн хэлэлцээрт гарын үсэг зурах юм.

Түүнчлэн Ерөнхийлөгч И Жэ Мён гэргийн хамт Үндэсний их баяр наадмын нээлтийн ажиллагаанд хүндэт зочноор оролцоно. Албаныхны үзэж буйгаар энэхүү айлчлал нь Монгол, Солонгосын уламжлалт найрамдалт харилцааг бэхжүүлж, хамтын ажиллагаанд шинэ түлхэц өгөх ач холбогдолтой юм.