Улаанбаатар Амазонс баг хэсэг тэргүүлэн өрсөлдөнө

Фиба 3х3 сагсанбөмбөгийн эмэгтэйчүүдийн "Вена 2026" тэмцээн өнөөдөр монголын багийн тоглолтоор хөшгөө нээнэ. 

Тодруулбал: Австрийн Вена хотноо 12 шилдэг баг уламжлалын дагуу дөрвөн хэсэгт хуваагдан өрсөлдөхөд бэлэн болоод байна. Чансааны дагуу Румыны Бухарест баг А хэсгийг тэргүүлж байгаа бол Канадын баг В хэсгийг, С хэсгийн Монгол улсын Улаанбаатар Амазонс баг, D хэсгийг Германы шигшээ баг тус тус тэргүүлж байна. 

Манай багийн хувьд хэсэгтээ Испанийн Мадрид, Украины багуудтай дараах хуваарийн дагуу өрсөлдөнө. 

Улаанбаатарын цагаар зургаадугаар сарын 12-ноос 13-нд шилжих шөнийн 1:05 цагт Испанитай, 13-ны 16:45 цагт Украины багтай тус тус тоглох хуваарьтай байна. 

Манай багийн бүрэлдэхүүнд: МУГТ О.Хулан, МУГТ Б.Ариунцэцэг, Амари Робинсон, Тао Труо нар багтсан байна.