Азийн аялал жуулчлалын 15 дахь удаагийн форум Улаанбаатар хотод зохион байгуулагдана

Улаанбаатар хотноо анх удаа зохион байгуулагдах гэж буй "Азийн аялал жуулчлалын форум - 2026" арга хэмжээ эхлэхэд гурав хоног үлдээд байна.

"Зочлох үйлчилгээ, аялал жуулчлалын Азийн парадигм" үндсэн сэдвийн дор өрнөх чуулга уулзалт нь зургадугаар сарын 11-13-ны өдрүүдэд Улаанбаатар зочид буудлын Их танхимд болох бөгөөд салбарын хөгжлийн шинэ чиг хандлагыг тодорхойлох ач холбогдолтой юм.

Анх 1993 онд эхэлж байсан түүхтэй 15 дахь удаагийн форумд дэлхийн 22 орны, БНСУ, Австрали, БНХАУ, Шри-Ланка, Камбож, АНУ, ХБНГУ зэрэг улсын 100 гаруй шилдэг илтгэгч, эрдэмтэн судлаачид, бодлого тодорхойлогчид оролцоно. Төлөөлөгчид аялал жуулчлалын салбар дахь дижитал шилжилт, хиймэл оюун ухаан болон үйлчилгээний роботын хэрэглээ, тогтвортой хөгжил ба байгаль орчин, нийгэм, засаглалын бодлого зэрэг орчин үеийн тулгамдсан асуудлуудыг хэлэлцэхээр төлөвлөжээ.

Аялал жуулчлалыг хөгжүүлэх 2023-2028 оны урт хугацааны стратегийн хүрээнд хэрэгжиж буй тус чуулган нь дотоодын салбарыг олон улсад сурталчлан таниулах онцлогтой юм. Эрдэм шинжилгээний судалгааг практик үйл ажиллагаатай нягт уялдуулах замаар гадаадын хөрөнгө оруулалтыг татах, маркетингийн цоо шинэ гарцуудыг нээх нь уг арга хэмжээний хэтийн зорилго бөгөөд цаашдын бүс нутгийн хамтын ажиллагаанд томоохон түлхэц үзүүлэх хүлээлттэй байна.

Эх сурвалж:

• polit.mn

• riat.vn

• pata.org

• news.mn

• qazinform.com