Бээжингээс нүүрсний хулгайчдын нэрсийг Ерөнхий сайд Л.Оюун-Эрдэнэд жилийн өмнө өгчээ

Улс төр судлаач Н.Дугар өнөөдрийн "Өдрийн сонин"-д нүүрсний хулгай болон Зүүнбаян-Ханги чиглэлийн төмөр замын талаар ярьжээ. Ярилцлага дээр байгаа нүүрсний хулгайчдын нэрсийг Ерөнхий сайдад өгсөн талаарх мэдээллийг дэлгэрэнгүй хүргэе. 

Улс төр судлаач Н.Дугар: 

-Бээжин Монголын нүүрсний хулгайтай нийлсэн өөрсдийн хүмүүсдээ хуулийн хариуцлага тооцсон. Одоо манайхыг хэрхэхийг харж байгаа. Бээжингээс нүүрсний хулгайчдын нэрс, угаасан мөнгөө хааш нь яаж гаргасан баримтыг Ерөнхий сайд Л.Оюун-Эрдэнэд өгсөн байна лээ. Түүнээс хойш жилийн хугацаа өнгөрлөө. Хуурай мэдэгдэл хийхээс цаашгүй байна. Ил гаргаж ирсэн нь хаа байгаа юм гэжээ. 

Улмаар, 

-Ерөнхий сайд Л.Оюун-Эрдэнэ нүүрсний хулгайтай тэмцэнэ гээд байгаа. Үнэндээ тэмцэж чадахгүй, дийлэхгүй. Дийлбэл нар баруунаас гарна л гэж хэлье. Ганцхан үүнийг асуудал болгож тавьж байгаа нь Бээжингийн шахаанд байгаа хэрэг гэжээ. 

Учир нь Ерөнхий сайд болон Ерөнхийлөгчийн ойрын хүрээллийн хүмүүс холбогдсон учир илрэх магадлал тун муу гэжээ.