Б.Шоовдор хүрэл медалийн төлөө барилдана

“Будапешт-2018” ДАШТ-ий эмэгтэйчүүдийн 59 кг-ын жинд үндэсний шигшээ баг, “Хасу-Мегастарс” клубын тамирчин ОУХМ Б.Шоовдор хагас шигшээд шалгарсан. Тэрбээр 1/8 шигшээ барилдаанд АНУ-ын Женна Буркертийг 1:1-ээр ялсан шөвгийн наймд өнгөрсөн жилийн Азийн дэд аварга Энэтхэгийн Сарита Саритаг оноогоор цэвэр (10:0) ялсан юм. Тэрбээр хагас шигшээд Туркийн Элиф Есилирмактай дэвжээнд хүч үзэн буулгаж авав. Хагас шигшээ барилдаанд 2014, 2015 оны ДАШТ-ий хүрэл медальт, энэ жилийн Европын аварга Туркийн Элиф Есилирмакт оноогоор (11:1) цэвэр ялагдав. Б.Шоовдор өнөөдөр хүрэл медалийн төлөө барилдахаар боллоо.

                         Б.Бямбадорж , Ө.Батзул нар дагаж барилдах нь

“Будапешт-2018” ДАШТ-ий гурав дахь өдөр эрэгтэйчүүдийн 70, 97, эмэгтэйчүүдийн 55, 59 кг-ын жингийн урьдчилсан болон хагас шигшээ барилдаан болсон. 70 кг-ын жинд үндэсний шигшээ баг, “Алдар” спорт хорооны тамирчин ОУХМ Б.Бямбадорж, 97 кг-д үндэсний шигшээ баг, “Аврагч” спорт хорооны тамирчин ОУХМ Ө.Батзул нар өнөөдөр дагаж барилдахаар боллоо.

Б.Бямбадоржийг ялсан 2015 оны дэлхийн аварга ОХУ-ын Магомедррасул Газимагомедов хагас шигшээд өнгөрсөн жилийн дэлхийн аварга Гүржийн Зураб Якобишвилиг 3:1-ээр, Ө.Батзулийг ялсан олимп, дэлхийн аварга АНУ-ын Кайл Снайдер 1/2 шигшээд эзэн орны Павел Олейникийг 3:0-ээр ялсан юм.