Индонези улсын Сулавеси аралд 7,5 магнитудын хүчтэй газар хөдөлж цунами, хөрсний гулсалт үүссэний улмаас 1,400 хүн амиа алдаад байгаа. Тэгвэл энэ аралд дахин аюул нүүрлэлээ. Арлын хойд ирмэгт байдаг Сопутан галт уул оргилж байна.

NBC мэдээллийн агентлагийн дамжуулснаар галт уулын тогооноос халуун үнс нурам цацарч, 5-6 км радиуст нурманд дарагджээ. Галт уул байдаг бүс нутаг газрын хөрстэй тэгшлэгдсэн Палу хотоос 600 гаруй км-т байдаг юм байна. Одоогоор онц байдал зарлах болон иргэдийг нүүлгэн шилжүүлэх шаардлагагүй гэж эрх баригчид дамжуулжээ.

Эх сурвалж: www.qz.com

 

---