LIVE: Д.Эрдэнэбат: Энэ Үндсэн хуулийн өөрчлөлт сөрөг хүчингүй батлагдах магадлалтай байна

УИХ дахь АН-ын зөвлөлийн өнөөдрийн хуралдаанаар хоёр асуудал хэлэлцсэн талаар зөвлөлийн дарга, УИХ-ын гишүүн Д.Эрдэнэбат мэдээлэл өглөө

Д.Эрдэнэбат:

Нэгдүгээрт, Үндсэн хуулийн өөрчлөлтийн талаар,
Хоёрдугаарт, Олон улсын парламeнтийн холбооны Хүний эрхийн зөвлөл манай улсад ажилласантай холбогдуулан С.Зориг, Г.Батхүү агсан нарын талаар хүсэлт өгсөн. 

Үндсэн хуулийг өөрчлөхөд Ардчилсан намын зүгээс баримталж буй 3 гол шаардлага байгаа аж. 

1-рт, Ард нийтийн санал асуулга авах,
2-рт, Үндсэн хуулийг хэлэлцэхээс өмнө УИХ-ын унасан нэр хүндийг сэргээх,
3-рт, Үндсэн хуулийг өөрчлөх төслийг ажлын хэсэгт АН-ын төлөөллөөс оролцуулах,

Энэ гурван шаардлага гурвуулаа хүчинтэй. Гэхдээ Үндсэн хуулийн ард нийтээр хэлэлцүүлээд зогсохгүй батлуулах ёстой гэдгийг бид анхааруулж байна. Мөн энэ Үндсэн хуулийн өөрчлөлт сөрөг хүчингүй батлагдах магадалал өндөр байна. Eрөнхийлөгчийн зүгээс гаргасан саналыг тусгасан эсэх нь анхаарал татаж байна. Ардчилсан үнэт зарчмуудыг үгүй хийх вий гэж болгоомжилж, анхааруулж байна.

С.Зориг агсны хэргийг улс төрийн зорилгоор ашиглаж байж замхруулах вий гэж хардаж, болгоомжилж байна. 2020 оны сонгуулийн шоу болоод өнгөрөх вий гэж санаа зовж байгаагаа бид илэрхийлэх ёстой.

Г.Батхүү агсны нас барсан шалтгаан ч гадны нөлөөтэй гэдэг нь эхний ээлжинд тогтоогдсон. Тиймээс энэ хэрэг дахиад илрэхгүй зүйл рүү орчих вий гэж эмээж байна. Тиймээс бид эдгээр хэрэгт дэмжлэг үзүүлж ажиллахыг ОУПХ-оос хүссэн" гэлээ.