ГХХН-аас хашааны газрыг эдийн засгийн эргэлтэд оруулна гэлээ
Монгол Улсын 31 дэх намаар Гэр хороолол хөгжлийн намыг бүртгүүлсэн. Тэгвэл тус намаас өнөөдөр мэдээлэл хийлээ. Улаанбаатарт амьдарч байгаа гэр хорооллын 216 мянган өрхийн хашааны газрыг эдийн засгийн эргэлтэд оруулаагүйгээс үүдэлтэй ядуурал газар авч, нийслэлийнхэн утаанд эзлэгдэж гамшигт нэрвэгдчихээд байна. Нийгмийн ороо бусгаа ийм цаг үед гэр хорооллынхон нэгдэж, гэр хорооллыг хөгжүүлэх асуудлыг төрийн ажил болгохын төлөө улс төрийн нам байгуулан тэмцэхээр болжээ.
Ард иргэдийн бодит амьдрал ярьж буй нэг ч улс төрийн хүчингүй болчихсон нийгмийн ороо бусгаа ийм цаг үед гэр хорооллынхон нэгдэж, гэр хорооллыг хөгжүүлэх асуудлыг төрийн ажил болгохын төлөө улс төрийн нам байгуулан тэмцэхээр болсон гэдгээ хэвлэлийн бага хурлын үеэр дурдав.
Гэр хороололд амьдардаг иргэдийн эрх ашгийг хамгаалан ажиллах болно. Гэр хорооллыг хөгжүүлж, иргэдээ ядуурлаас гаргахаар манай нам ажиллах болно. Энэ улсын 70-80 хувь нь гэр хороололд амьдарч байна. Гэр хороолол нь хөгжихгүй байгаа учраас Монгол Улс хөгжихгүй байгаа юм. Энэ улс төрчид, улс төрийн нам байгуулан тоглон эрх мэдэл, эд баялагт хүрдэг юм бол гэр хорооллынхон өөрсдөө нам байгуулж, улс төрчиж байгаад энэ гэр хорооллоо хөгжүүлье хэмээн мэдэгдлээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.