Испанид "Адам" хар салхины улмаас үер бууж, гурван хүний амь нас эрсэджээ
Испанийн зүүн эрэг орчмын бүс нутгуудад “Адам” хар салхи болон хүчтэй аадар борооны улмаас үер бууж, гурван хүн амь эрсэджээ. Байгалийн гамшигт үзэгдлийн улмаас гол мөрөн эргээ хальж, зам тээврийн дэд бүтэц сүйдэн, олон мянган оршин суугчийг яаралтай нүүлгэн шилжүүлэх нөхцөл байдал үүсчээ.
Эрх баригчдын мэдээлснээр байгалийн гамшгийн улмаас тус бүс нутагт гурван иргэн нас барсан байна. Цаг уурын хэмжилтээр зарим сууринд 24-48 цагийн дотор нэг метр квадрат талбайд 700 литр буюу 700 мм хүртэлх их хэмжээний усархаг бороо орсон байна.
Үүссэн нөхцөл байдлын улмаас эрлийн болон авран туслах ажиллагааг шуурхай зохион байгуулж байна. Олива хотын долоон кемпийн буудлаас нийт 2,000 орчим хүнийг аюулгүй газарт нүүлгэн шилжүүлжээ. Байшингийн дээвэр дээр гарсан болон усанд боогдсон иргэдийг нисдэг тэрэг, завь ашиглан аварч, Валенсиа мужид нийт 400 гаруй удаагийн аврах ажиллагаа явуулсан байна.
Эх сурвалж:
•
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.