Өмнөд Солонгост цахилгааны төлбөрөөс эмээсэн ахмадууд халууныг сэнсээр давж байна
Өмнөд Солонгост үргэлжилж буй хэт халалтын улмаас ахмад настан болон нийгмийн эмзэг бүлгийн иргэд цахилгааны төлбөрийн дарамтаас эмээн агааржуулагч ашиглахгүй, зөвхөн сэнсээр халууныг давж буй талаар орон нутгийн хэвлэлүүд мэдээлжээ.
Тус улсын зарим бүсэд "Хэт халалтын онцгой аюулын сэрэмжлүүлэг" зарлаад байна. Долоодугаар сарын 12-ноос эхлэн Кёнсан, Пухан зэрэг хотод мэдрэгдэх температур 38 хэмээс давж, Тэгү хотод агаарын температур 36 хэмээс давсан байна.
Энэ онд Өмнөд Солонгосын цахилгааны хэрэглээ түүхэн дээд хэмжээнд хүрч, 98.8 ГВт болох төлөвтэй байгааг Эрчим хүчний байгууллагууд тооцоолжээ. Үүнтэй холбоотойгоор Засгийн газар 7-9 дүгээр сарын хооронд цахилгааны шаталсан тарифыг түр зөөлрүүлж, хөнгөлөлт олгож эхэлсэн байна.
Мөн Ерөнхийлөгч И Жэ Мён эрчим хүчний хэрэглээг оновчтой болгох зорилгоор хэрэглээний оргил болон оргил бус цагт өөр өөр тариф мөрддөг "хугацаанаас хамаарсан үнийн систем"-ийг орон даяар үе шаттай нэвтрүүлэх төлөвлөгөөг танилцуулжээ.
Эх сурвалж:
• mk.co.kr
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.