Senzu, Mzinho нар Европын BC.Game багийг улам хүчирхэгжүүлнэ

Монголз багийн шилдэг тоглогчдын нэг Mzinho буюу Б.Аюуш буйр сэлгэн Европын BC.Game Esports багт албан ёсоор нэгдэж, бүрэлдэхүүнийг нь гүйцээлээ.

Түүний шилжилтийн талаар Монголз баг албан ёсны цахим хуудастаа мэдээлснээр цахим орчинд таамаг төдий байсан мэдээлэл баталгаажлаа. BC.Game Esports багт Монголз багийн хуучин гишүүн Senzu буюу М.Азбаяр нэгдээд удаагүй байгаа ба Mzinho-г BC.Game Esports багт нэгдэхийг ятгасан байна. Энэ нь түүний карьер дахь анхны олон улсын багт нэгдэж буй явдал бөгөөд "The MongolZ" багт гурван жил тоглоод ийнхүү буйр сэлгэлээ. 

Mzinho-г багтаа нэгтгэснээр BC.Game баг маш хүчирхэг, "супер" бүрэлдэхүүнтэй болж байна. 

• Емил "Magisk" Реиф (Дани) – Багийн ахлагч 

• Денис "electroNic" Шарипов (Орос)

• Александр "s1mple" Костылев (Украин)

• Азбаяр "Senzu" Мөнхболд (Монгол)

• Аюуш "Mzinho" Батболд (Монгол)

• Виктор "TaZ" Войтас (Польш) – Дасгалжуулагч

Тэд бүрэлдэхүүнээ шинээр бүрдүүлсэн учраас Valve-ийн чансааны оноо багатай тул томоохон тэмцээнүүдийн урилга шууд авах боломжгүй. Эхний ээлжинд онлайн тэмцээнүүд болон Tier-2, Tier-3 түвшний жижиг LAN тэмцээнүүдээс эхлэн чансаагаа ахиулах хүндхэн даваа тэднийг хүлээж байна.