УИХ-ын гишүүний тэтгэмжийн заалтыг хүчингүй болгох өргөдөлд 91 мянган иргэн гарын үсэг зуржээ
Иргэн Ц.Батболд санаачлан, УИХ-ын гишүүний тэтгэмжийн заалтыг хүчингүй болгох өргөдөл гаргаж, иргэдийн гарын үсгийг цуглуулж байгаа.
Тодруулбал, Улсын Их Хурлын тухай хуулийн 41 дүгээр зүйлийн 41.9 дэх хэсэгт зааснаар “Гишүүний бүрэн эрх дуусгавар болсон бөгөөд тухайн үедээ ажил эрхлээгүй бол 12 сарын хугацаанд УИХ-ын гишүүний үндсэн цалингийн хэмжээнд тэтгэмж олгоно” гэсэн байдаг.
Өргөдөл гаргагчийн тус заалт нь энгийн иргэдийн хөдөлмөрийн хөлсний тэгш байдлыг алдагдуулж, давуу байдал олгож байгаа нь нийгмийн даатгал болон бусад тэтгэмжийн хуультай зөрчилдөж, Үндсэн хуулийн тэгш эрхийн зарчимд нийцэхгүй гэж үзжээ.
Өргөдөл нь 100,000-аас дээш хүний дэмжлэг авсан тохиолдолд УИХ-ын холбогдох байнгын хорооноос хэлэлцэж, шаардлагатай бол хуулийн төсөл санаачлах юм.
Өнөөдрийн байдлаар тус өргөдлийг 91 мянган иргэн дэмжиж гарын үсэг зуржээ. Хэрэв 100 мянга хүрвэл хуулийн төслийг өөрчлөх талаар хэлэлцүүлэх боломж бүрдэх юм. Мөн уг саналын хугацаа энэ сарын 28-ны 16:03 цагт дуусна.
Сэтгэгдэл (10)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.