?LIVE: Сайжруулсан түлшний угаараас болоод гурван дүү, ээжийгээ алдчихлаа. Миний амьдрал маш бүрхэг болчихлоо

БГД-ийн 22-р хороонд 1 дүгээр сарын 23-24-нийг шилжих шөнө нэг гэр бүлийн зургаан хүн угаартсаны улмаас нас барсан. Уг харамсалтай үйл явдалтай холбогдуулан гэр бүлээс нь үлдсэн цор ганц хүү нь цэргээс чөлөөгөөр ирж, олон нийтэд хандаж мэдээлэл хийв.

Гэр бүлийн зургаан гишүүнээ угаарын улмаас алдсан 18 настай хүү:

-Надад маш хэцүү байна. Миний хувьд дөрвөн дүүгээ ээжийгээ алдчихлаа. Миний юугаа ч мэдэхгүй жоохон дүү нар 6,9,15,17 настай байсан. Ээж минь хамаатны ах маань бас нас барсан. Ахын маань бас бага охин хүүхэд байсан. Яах учраа үнэндээ олохгүй байна. Хамаатан садангуудын маань зүгээс шүүх шинжилгээний хариу гараагүй учраас мэдээлэл өгсний хэрэггүй гэж хэлсэн. Надад ингэж мэдээлэл хийхээс өөр арга алга. Би хэнд хандахаа мэдэхгүй байна. Өмгөөлөгч аваагүй байна.

Миний хувьд шилжин томилолтоор Увс аймгаас Сүхбаатар аймаг руу шилжсэн. Өнгөрсөн жилийн арванхоёрдугаар сарын 18-нд ээжтэйгээ утсаар ярьсан. Ээж минь “Ирээдүйн талаараа ярьсан. Эхнэр авах боллоо доо” гэж ээж минь хэлж байсан.

Цэргийн ангиас чөлөө өгөөд явуулсан түүнээс нөхцөл байдлын талаар огт хэлээгүй. Хамаатны ах тайван байгаарай гэж хэлсэн. Гэртээ ирээд л болсон үйл явдлын талаар мэдсэн. Тэгээд би ухаан санаагаа алдсан.

Сайжруулсан түлшний угаараас болоод гурван дүү, ээжийгээ алдчихлаа. Миний амьдрал маш бүрхэг болчихлоо шүү дээ гэв.