МҮХАҮТ-ын ээлжит бус XXII их хурал “Уран Ган-UG Palace Event Hall”-д болж байна  Энэ хурлаар МҮХАҮТ-ын Ерөнхийлөгчийг нөхөн сонгоно.

МҮХАҮТ-ын Ерөнхийлөгч нь танхимын Удирдах зөвлөлийн дарга байх бөгөөд Үндэсний танхимыг гадаад, дотоодод төлөөлөх, Удирдах зөвлөлөөс олгосон болон дүрэмд заасан эрх хэмжээний хүрээнд танхимын үйл ажиллагааг удирдан чиглүүлэх, танхимын олон улсын хамтын ажиллагааг идэвхжүүлэх, УИХ, Засгийн газар, төрийн болоод төрийн бус байгууллагуудтай гишүүд, бизнес эрхлэгчдийн эрх ашгийг төлөөлөн хамгаалах асуудлаар хамтарч ажиллах үндсэн чиг үүрэгтэй юм.

Энэ удаагийн их хуралд МҮХАҮТ-ын гишүүнчлэлтэй, Ерөнхийлөгчийг сонгох мандатын эрхтэй 900 гаруй компани, аж ахуйн нэгжийн төлөөлөл оролцож буй юм. Ерөнхийлөгчид нэр дэвшихээ илэрхийлж, есөн бизнес эрхлэгч МҮХАҮТ-д материалаа хүргүүлсэн байна.

Тэднээс “Коёотэ” ХХК-ийн Ерөнхий захирал Д.Бямбасайхан, “Монгол брэнд холбоо” ТББ-ын тэргүүн Ш.Отгон-Өлзий нар нэрээ татсан байна. МҮХАҮТ-ын Ерөнхийлөгчид дараах долоон нэр дэвшигч өрсөлдөж байна. Өнөөдөр МҮХАҮТ-ын шинэ Ерөнхийлөгч тодорно.  

1. Ш.Төмөрсүх “Дабльхилл” ХХК-ийн Ерөнхий захирал

2. Т.Дүүрэн   “ОУХЛТөв” ХК-ийн ТУЗ-ийн гишүүн

3. Ц.Баатарсайхан “Таванбогд” ХХК-ийн Ерөнхий захирал

4. Б.Лхагважав  “Урбанек” ХХК-ийн Ерөнхий захирал

5. Б.Лакшми “Офис констракшн” ХХК-ийн хувьцаа эзэмшигч

6. Ц.Майдар “АСҮТ-Боломж” ХХК-ийн Ерөнхий захирал

7. Л.Төр-Од  “Цахим байшин” ХХК-ийн ТУЗ-ийн гишүүн

---