Төв аймгийн Жаргалант сум, Баянбулаг багийн "Баянгол" гэдэг газар сумын төвөөс баруун урд зүгт 15 км-т энэ сарын 06-ны өдрийн 17:00 цагийн орчим борооны өмнөх түр зуурын хүчтэй салхинд зургаан өрхийн гэр, нэг малын саравч нурж, нэг худгийн дээвэр хууларсан тухай мэдээллийг мөн өдрийн 21:13 цагт онцгой байдлын байгууллага хүлээн авсан байна. 

Жаргалант сумын Баянбулаг баг дахь худгийн дээвэр, иргэн Б-ийн дөрвөн ханатай нэг гэр, иргэн Б, А, А нарын 5 ханатай гурван гэр, иргэн Ц, Х нарын зургаан ханатай хоёр гэр, иргэн М-ийн 8х20 метрийн хэмжээтэй малын саравч тус тус нурсан тухай мэдээллийг тус сумын Засаг даргын Тамгын газрын дарга аймгийн Онцгой байдлын газарт мэдэгджээ. 

---