УИХ-ын чуулганы нэгдсэн хуралдаанаар Үндсэн хуулийн Цэцийн гишүүнээр Ц.Цолмон, Б.Болдбаатар, Р.Батрагчаа нарыг томиллоо. Тэдний байр суурийг сонслоо.

ҮХЦ-ийн гишүүн Р.Батрагчаа:

-Судлаач хүний хувьд цэцийн гарсан шийдвэр болон одоо засаг дээр байгаа маргаануудыг ямар шатанд байгаа гэдэг талаар судлахаас эхэлнэ. Цэцийн шийдвэр судалгаан дээр үндэслэсэн байх ёстой болохоор хамгийн түрүүнд судалгааны ажлаасаа ажлаа эхэлнэ гэсэн бодолтой байна.

Одоо их хурлаар хэлэлцэж байгаа Цэцийн тухай хуулийн маргааны хуулийн төслүүд болон үндсэн хуультай зөрчилдсөн цөөнгүй хэдэн заалт байгаа. Улсын дээд шүүхийн шүүгч цэцийн гишүүн байх ёсгүй гэсэн байр суурьтай байна гэв.

---