Хятадын тамирчин Жэн Тао дөрвөн алтан медаль хүртжээ
БНХАУ-ын пара усанд сэлэлтийн тамирчин Жэн Тао "Токио-2020" паралимпын наадмаас дөрвөн алтан медаль хүртэж, ганцаарчилсан төрлийн бүх уралдаандаа дэлхийн болон олимпын шинэ дээд амжилт тогтоожээ.
Тао багадаа цахилгаанд цохиулснаасаа болж хоёр гараа алдсан аж. Гэвч тэрээр 13 настайдаа усанд сэлэлтийн спортоор хичээллэж эхэлсэн бөгөөд зургаан жилийн дараа Нидерландад болсон Дэлхийн аварга шалгаруулах тэмцээнд оролцон, мэргэжлийн тамирчны гараагаа эхэлсэн байна. Ингээд тэрээр "Лондон 2012" паралимпын олимпын 100 метрийн төрөлд анхны алтан медалиа хүртэж байжээ.
Өнгөрөгч лхагва гарагт болсон 50 метрийн чөлөөт сэлэлтийн уралдааны үеэр Тао олимпын дээд амжилт тогтоогоод зогсохгүй БНХАУ-ын түүхэн дэх зуны паралимпын 500 дахь алтан медалийг хүртсэн байна. Тэрээр уралдааныхаа дараа охиндоо хандан "Охин минь, намайг хар даа - би гаргүй ч гэсэн маш хурдан сэллээ!" гэсэн бичлэг илгээсэн байна.
Сонирхуулахад, Жэн Тао Токиогийн паралимпын наадамд бэлтгэхдээ өдөр бүр дор хаяж 10 км усанд сэлсэн ажээ. Тэрээр өнөөдрийг хүртэл паралимпоос есөн медаль хүртээд байгаа юм.
Эх сурвалж: BBC
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.