? LIVE: Сэлбэ гол үерлэсний улмаас СБД-ийн 15, 16-р хорооны дараалсан хоёр гүүр эвдэрчээ

Сэлбэ гол үерлэсний улмаас Сүхбаатар дүүргийн 15, 15-р хорооны нутаг дэвсгэрт байрлах хоёр гүүр усанд урсч эвдэрчээ. Уг үйл явдлыг газар дээрээс нь сурвалжиллаа.

Сүхбаатар дүүргийн 16-р хорооны хэсгийн ахлагч н.Энхцэцэг:

Манай хорооны иргэд нийлж Сэлбэ голын дээгүүр гүүр тавьсан байсан. Сая болж өнгөрсөн Ерөнхийлөгчийн сонгуулийн өмнө Тавантолгой компаниас уг нь гүүр тавьж өгсөн боловч сая орсон борооны усанд урсаж сүйдлээ. Үүний улмаас манай хорооны иргэд зорчих боломжгүй болчихлоо. Сэлбэ гол үерлэсний улмаас 10 гаруй айл усанд автаж хохирсон. Онцгой байдлын алба хаагчид өглөө усанд автсан айлуудад ирж тусламж үзүүлж, зөвлөгөө өгсөн гэсэн. Дээрх айлууд зөвшөөрөлгүйгээр суурьсан айл өрхүүд байгаа. Хоёрхон хоног орсон борооны улмаас ингэж үерлэж байгаа юм чинь энэ зун нэлээн зутруухан зусах нь тодорхой байна. Үерийн нөхцөл байдлыг хорооны Засаг дарга байнга анхааруулж, үер усны аюулаас сэрэмжлүүлж байгаа.

Сэлбэ гол үерлэж, гүүр нурсны улмаас Сүхбаатар дүүргийн 15, 16-р хорооны зорчих боломжгүйд хүрч, үерийн усанд хашигдахад ойрхон байгааг тус хорооны хорооны иргэд хэлж байлаа.