АНИМЭ
СПОРТ
ХӨГЖИМ
™ watch
Эдийн засаг | 1 сарын өмнө

“Инвескор ББСБ” ХК 20.0 тэрбум төгрөгийн өрийн хэрэгслийг нийтэд санал болгохыг зөвшөөрчээ

Нийтэлсэн
1 сарын өмнө


Сурталчилгаа
Нийтэлсэн:   С.Шүрэнчимэг
1 сарын өмнө

Санхүүгийн зохицуулах хорооны ээлжит аравдугаар хуралдаан болж нийт 23 асуудал хэлэлцэж шийдвэрлэжээ.

Хуралдаанаар “Инвескор ББСБ” ХК-ийн олон нийтэд нээлттэй санал болгон гаргаж буй нийт 20.0 тэрбум төгрөгийн өрийн хэрэгслийг нийтэд санал болгохыг зөвшөөрсөн үнэт цаасны бүртгэлд бүртгэхээр шийдвэрлэсэн байна.

Тус компани энэхүү бондыг үе шаттайгаар олон нийтэд санал болгон худалдаж, 20.0 тэрбум төгрөг хүртэлх санхүүжилтийг татан төвлөрүүлнэ. Ингэж зээлийн үйл ажиллагааг санхүүжүүлснээр бизнес эрхлэгч болон харилцагчдаа урт хугацаатай, тогтвортой эх үүсвэрээр хангах, өртөг буурах, үйл ажиллагааг нь дэмжих боломж нэмэгдэх юм.

Мөн хуралдаанаар нэг банк бус санхүүгийн байгууллагад факторинг болон хөрөнгө оруулалт, санхүүгийн чиглэлээр зөвлөгөө, мэдээлэл өгөх үйлчилгээний үйл ажиллагаа эрхлэх тусгай зөвшөөрөл нэмж олгохын зэрэгцээ таван хадгаламж зээлийн хоршооны хадгаламж, зээлийн үйл ажиллагаа эрхлэх тусгай зөвшөөрлийн хугацааг сунгахаар шийдвэрлэжээ.

Түүнчлэн “Үл хөдлөх эд хөрөнгө зуучлалын байгууллагын үйл ажиллагаа эрхлэх тусгай зөвшөөрөл, эрх олголт, бүртгэлийн журам”-ын дагуу  гурван компанид үл хөдлөх эд хөрөнгө зуучлалын байгууллагын үйл ажиллагаа эрхлэх, “Үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгчийн үйл ажиллагаанд тусгай зөвшөөрөл, зөвшөөрөл олголт, бүртгэлийн журам”-ын хүрээнд хоёр иргэнд үнэт металл, үнэт чулууны арилжаа эрхлэгчийн үйл ажиллагаа эрхлэх тусгай зөвшөөрлийг олгохоор тус тус шийдвэрлэсэн байна. 

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

 Анимэ сан

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.