АНИМЭ
СПОРТ
ХӨГЖИМ
™ watch
Нийгэм | 1 сарын өмнө

"Оюу толгой" ХХК төрийн санд 229.8 тэрбумыг шилжүүлжээ

Нийтэлсэн
1 сарын өмнө

Нийтэлсэн:   Т.Мягмар
1 сарын өмнө

“Оюу толгой” ХХК Монгол Улсын татварын албанаас тогтоосон татварын актыг хэрэгжүүлж 229.8 тэрбум төгрөгийн төлбөрийг барагдуулж эхэллээ.

Монгол Улсын Татварын алба “Оюу толгой” ХХК-ийн 2013-2015 оны хугацааны татварын ногдуулалт, төлөлтийн байдалд татварын хяналт шалгалт хийж, 2018 онд 377 тэрбум төгрөгийн татварыг нөхөн ногдуулахаар акт үйлдсэн. Энэхүү актын 350 гаруй тэрбум төгрөгийн нөхөн ногдуулалттай холбогдуулж “Оюу толгой” ХХК Лондоны олон улсын арбитрын шүүхэд маргаан үүсгээд байсан.

Түүнчлэн, Монгол Улсын Татварын алба “Оюу толгой” ХХК-ийн 2016 оноос 2018 оныг дуустал хугацааны албан татварын ногдуулалт, төлөлтийн байдалд татварын хяналт шалгалт хийж,
Улсын Их Хурлаас 2019 оны 03 дугаар сарын 22-ны өдөр баталсан Татварын ерөнхий хуулийн 50 дугаар зүйлд татварын өрд тооцох хугацааг тодорхойлсон бөгөөд мөн энэ хуулийн 43 дугаар зүйлийн 43.3, 51 дүгээр зүйлийн 51.2-т тус тус заасны дагуу нөхөн ногдуулалтын актаар ногдуулсан 649.4 тэрбум төгрөгийн татварын өрийг төлүүлэхээр татварын алба 2021 оны 02 дугаар сарын 10, 19-ний өдөр тус тус “Оюу толгой” ХХК-д нэхэмжлэх хүргүүлсэн.

.

Монгол Улсын Засгийн газрын Ажлын хэсгээс Оюу толгой төслийн хөрөнгө оруулагч талтай хийж буй яриа хэлэлцээний хүрээнд “Оюу толгой” ХХК нь Монгол Улсын татварын хууль тогтоомжийг биелүүлж, Монгол Улсад үйл ажиллагаа явуулж буй бүхий л аж ахуйн нэгжийн нэгэн адил Монгол Улсад татвараа бүрэн төлөх шаардлагыг тууштай тавьсны үр дүнд татварын актаар тогтоогдсон нийт төлбөрөөс эхний ээлжийн 229.8 тэрбум төгрөгийн төлбөрийг ийнхүү төлж эхэлж байна.


Манай хуудсыг дагаарай!


Сэтгэгдэл (2)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

баянжаргал.г.
1 сарын өмнө
69.251.251.84

худлаа сурталчилж шоудахаа болиочээ харин хичнээн удааж байна одоо ч хугацаа авсаар байна оюун эрдэнэ ээ энэ бол арга зали арбитртаад яахав бид төлчихие гэнэ монголчууд баярлаад нэг хэсэг хугацаа авна хүлээнэ ялж яваадаа баясна нэхэмжлэлээ ч татаж магадгүй татахгүй ч хугацаа алдаж дараагийн мөнгөн гүйлгээ рүү чих тавин нүд чилээнэ. бид экспортаа хийж л байя ... оюун эрдэнэ ээ буулт хиих тусам барицаа чангалаарай суллаж яав ч болохгүй шүү баттулга ерөнхиилөгч өө оюу толгойтои холбоотой шүүхийн асуудлыг яаравчлуулах хэрэгтэй шдээ ганбаатар болон бусад гишүүнтэйгээ ч бас хамтраарай. оюун эрдэнэ ээ тролл дэмжигчиддээ х энэ гүйлгээг сурталчилж шоудахаа боли гэж..... гадныхан үүнийг хүлээж байгаа тэд энийг хамгиийн их хүсэж байгаа шүү.... огт тоохгүи байгаа ч ээ

Зочин
1 сарын өмнө
66.181.181.121

Одоо өрх бүртээ 1саяаа тараа. Ард иргэд бид бүтэн 2жил шахам бүсээ чангалж хэцүүдэж бна. Хоногийн хоолоо яая гэж бна. Оюунэрдэнээ

Холбоотой мэдээ

     Анимэ сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.