Боловсролын салбарт 1.4 их наяд төгрөгийн хөрөнгө оруулалт хийнэ

Ерөнхий сайд Н.Учрал 2027 оны улсын төсвийн төсөл болон дагалдах хууль, тогтоомжийн төслүүдийг танилцуулж, УИХ-ын нэгдсэн чуулганд үг хэллээ. 

-Иргэдийнхээ бодит орлогыг зөвхөн цалин, тэтгэвэр нэмж бус татвар, нийгмийн даатгалын шимтгэлийн бодлогоор өрхийн зардлын ачааллыг бууруулж хамгаална.

-Хүн бүр цалингийнхаа 792 мянган төгрөгт огт татвар төлөхгүй. Нэг сая иргэний татвар, шимтгэл нэг их наяд төгрөгөөр буурна. 

-Боловсролын салбарт 1.4 их наяд төгрөгийн хөрөнгө оруулалт хийнэ. Сургуулийн ачааллыг бууруулах, сургалтын орчны ялгааг багасгаж, хүүхдийн хоол, тэжээлийн чанарыг сайжруулна. 

-Эрүүл мэндийн салбарт 414.7 тэрбум төгрөгийн хөрөнгө оруулалт хийнэ. Урьдчилан сэргийлэх, эрт илрүүлэг зохион байгуулна. Эмчилгээ, оношилгооны хүртээмжийг нэмнэ.

-Жижиг, дунд, бичил бизнесийн нэг хувийн татвар төлөх босгыг өсгөж, 180 мянга орчим компанийн ачаа 246 тэрбум төгрөгөөр хөнгөрнө. Жижиг, дунд бизнес, дундаж давхаргаа 1.1 их наяд төгрөгийн шинэ эх үүсвэрээр дэмжинэ.

-Орон сууцны санхүүжилтийг 1.8 их наяд төгрөгөөр нэмнэ. Ипотекийн зээл, урьдчилгаа төлбөрийн босго намсгах, хамтын өмчлөл, түрээслээд өмчлөх хэлбэрээр 16 мянга өрхийг орон сууцанд хамруулна гэв.