Майкл далайн шуурга 4 дүгээр түвшний аюулд хүрлээ
Өнөөдөр үдээс хойш АНУ-ын Флорида, Алабама мужуудын далайн эргийг Майкл хар салхи дайран өнгөрнө гэдгийг цаг уур судлаачид анхааруулж байна. Далайн хар салхины хурд цагт 200 км хүрч хэлбэлзэн гуравдугаар түвшний аюул зарлаад байсан бол цагт тогтмол 200 км-ээс дээш хурдтай болсон тул дөрөвдүгээр түвшний аюулын дохио асааж байна.
Флорида мужид 370,000 иргэнийг аюулгүй газарт нүүлгэн шилжүүлэхээр болсон ба 3,7 сая хүн хар салхинд өртөж болзошгүй гэлээ. Мөн Үндэсний хамгаалалтын 2,500 цэргийг бэлэн байдалд шилжүүлэв. Алабама, Флорида, Жеоржиа мужуудад онц байдал зарлав. Төв Америкт Майкл хар салхины улмаас 10 гаруй хүн амиа алдаад байгаа юм.
Лхагва гарагаас пүрэв гарагт шилжих шөнө хар салхи хүчээ авч, гарз хохирол ихээр учруулж болзошгүй. Ерөнхийлөгч Дональд Трамп “далайн шуурганы өмнөх бэлтгэлээ сайн базаасан” гэж мэдэгдлээ.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.