Цэцэрлэгийн “цахим бүртгэл” маргаашнаас эхэлнэ
Төрийн өмчийн цэцэрлэгийн 2019-2020 оны хичээлийн жилийн цахим бүртгэл маргааш эхэлж, ирэх сарын 22-ны өдрийн 23.59 цаг хүртэлх хугацаанд үргэлжилнэ. Цэцэрлэгийн насны хүүхэдтэй эцэг эхчүүд маргаашнаас эхлэн https://tsetserleg.ulaanbaatar.mn/ цахим хаягаар нэвтэрч бүртгүүлнэ үү.
Цахим бүртгэлд хамрагдсан хоёр настай шинээр элсэх хүүхдүүд болон бусад насны хүүхдүүдийн “Цахим элсэлт”-ийн үйл ажиллагаа 2019 оны наймдугаар сарын 23-ны өдрийн 10:00 цагт цэцэрлэг тус бүр дээр нэгэн зэрэг болж, хүүхдийг цэцэрлэгт бүртгэх цахим сугалаанд хамрагдах боломж бүрдэх юм.
Цахим орчин ажиллах боломжгүй, эсвэл цахимаар бүртгэлд хамрагдаж чадахгүй байгаа эцэг, эхчүүд долдугаар сарын 25-ны өдрөөс эхлэн өөрийнхөө харьяа дүүргийн боловсролын хэлтэст, ирэх сарын 12-ны өдрөөс эхлэн хамран сургах тойргийнхоо цэцэрлэг дээр ажиллаж байгаа туслах ажилтны тусламжтайгаар цахим бүртгэлд хамрагдах боломжтой юм байна.
Эцэг эхчүүд та бүхэн хүүхдийн хамрах сургах тойргийн мэдээллийг энд дарж авна уу.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.