Засгийн газрын Хэрэг эрхлэх газрын дарга Г.Занданшатар БНХАУ-ын ӨМӨЗО-нд хэдхэн хоногийн өмнө айлчлаад ирлээ. Энэ үеэр “Мах, хөдөө аж ахуйн бүтээгдэхүүний экспортыг нэмэгдүүлэх” төсөл хөтөлбөрийг хэрэгжүүлэх ажлыг зохион байгуулах, бэлтгэл ажлыг хангах үүрэг бүхий хамтарсан ажлын хэсэг байгуулж, төлөвлөгөө гаргаж ажиллах санал тавьсан байна. Ажлын хэсэг байгуулах саналыг БНХАУ-ын ӨМӨЗО-ны Ардын төлөөлөгчдийн Их хурлын Байнгын хорооны дарга Ли Жихен илэрхийлжээ. 2018-оны хоёрдугаар сард манай улсаас БНХАУ руу үхэр, хонь, ямааны түүхий мах экспортлох эрхтэй болсон компаниудад МХЕГ-аас батламж гардуулж байлаа. Тухайлбал, БНХАУ-ын чанарын хяналт шалгалт хорио цээрийн ерөнхий газрын шинжээчид болон МХЕГ хамтран баруун болон төвийн бүсийн шүлхий өвчний хоригийг цуцлах хяналт магадалгаа хийж Увс, Завхан, Говь-Алтай, Хөвсгөл, Баянхонгор аймгийг малын шүлхий өвчингүй, эрүүл бүс гэж зарласан юм. Эдгээр аймгаас бэлтгэсэн үхэр, хонь, ямааны махыг экспортлох боломжтой гэж БНХАУ-аас хариу илгээсэн байдаг.

Тухайн үед БНХАУ манай нэр бүхий аж ахуйн нэгжийг “Гэрчилгээжүүлэлт, баталгаажуулалтын газар”-т бүртгэж авахад дулааны аргаар боловсруулсан мах, махан бүтээгдэхүүнийг “Хүн-Од”, “Хатан сүйх” компаниуд, үхэр, хонь, ямааны махыг  “Монгол эко мийт”, “Хөвсгөл мах маркет”, “Завхан хүнс”, “Эрдэнэ хүнс” ХХК-ийн үйлдвэрүүд экспортлох эрхтэй болж байсан бол одоо мах экспортлох үйлдвэрүүдийн тоо нэмэгдсэн байна. 

БНХАУ руу Монгол улсаас мах экспортлох стандарт шаардлагыг хангасан компаниудын жагсаалтыг танилцуулъя.

 

---