Зеленский: Оросын нисгэгчгүй онгоцны цохилтоор үр тариа тээвэрлэж явсан хөлөг живсэн
Хар тэнгист эрдэнэ шиш тээвэрлэж явсан иргэний ачааны хөлөг онгоц руу Оросын хоёр нисгэгчгүй онгоц цохилт өгсний улмаас гал гарч, улмаар живсэн талаар Украины Ерөнхийлөгч Володимир Зеленский мэдэгдлээ.
Тодруулбал, Сент-Китс ба Невисийн далбаатай, Туркийн “Palmali” компанийн “Royad Mammadov” хөлөг Украины Измаил боомтоос Италийн Равенна хотыг чиглэн явж байхдаа Румыны эдийн засгийн онцгой бүсэд өртжээ.
Ослын үеэр хөлгийн ахмад тэргүүтэй хоёр далайчин амиа алдсан бол багийн 11 гишүүнийг Румыны аврах албаныхан эсэн мэнд аварч, бэртсэн хүмүүсийг нисдэг тэргээр эмнэлэгт хүргэсэн байна. Зеленский Оросыг энгийн хөлөг онгоц руу халдсан хэмээн буруутгаж, уг халдлага нь олон улсын хүнсний аюулгүй байдалд заналхийлж буйг онцолжээ. Харин ОХУ одоогоор уг мэдээлэлд албан ёсны тайлбар өгөөгүй байна.
Эх сурвалж:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.