АНУ Ираны гал зогсоох саналд хариу хүргүүлжээ

АНУ Ираны Ормузын хоолойг үе шаттайгаар нээж, гал зогсоох тухай долоон өдрийн төлөвлөгөөнд албан ёсны хариу хүргүүлжээ. Ираны Гадаад хэргийн сайд Аббас Аракчи АНУ-ын хариуг Катарын нийслэл Доха хотод зуучлагчдаас хүлээн авч, улмаар Ираны Ерөнхийлөгч Масуд Пезешкиан болон Засгийн газрын гишүүдэд танилцуулсан байна.

Хэлэлцээнд Катар, Пакистан зуучлагчаар оролцож байгаа аж. Иран өмнө нь Ормузын хоолойг дахин нээх, гал зогсоох тохиролцоог сэргээхийн хариуд АНУ-ын тэнгисийн цэргийн хоригийг цуцлах, царцаасан хөрөнгийг чөлөөлөх зэрэг нөхцөл тавьсан юм.

Гэвч АНУ-ын хариуны дэлгэрэнгүй агуулга одоогоор ил болоогүй байна. Reuters-ийн мэдээлснээр талуудын гол зөрчил нь тохиролцсон арга хэмжээнүүдийг хэн нь эхэлж, ямар дарааллаар хэрэгжүүлэх асуудалд төвлөрч байна. 

Эх сурвалж: 

• timesofisrael.com

• sightmagazine.com.au

• timesofindia.indiatimes.com

• dawn.com

•