С.Молор-Эрдэнийг цагдан хорьсон шийдвэрийн талаарх гомдлыг өнөөдөр хэлэлцэнэ
Философич С.Молор-Эрдэнийг нэг сарын хугацаагаар цагдан хорих таслан сэргийлэх арга хэмжээ авсан.
Шүүгчийн энэ захирамжийг түүний өмгөөлөгчид үл зөвшөөрч, гомдол гаргасныг өнөөдөр 14:00 цагт хэлэлцэх юм. Тодруулбал, Дүүргийн Эрүү, Иргэний хэргийн хялбар ажиллагааны анхан шатны тойргийн шүүхэд уг гомдлыг хэлэлцэхээр товлоод байна.
Түүнийг Эрүүгийн хуулийн тусгай ангийн 19.9 дүгээр зүйлийн Үндэсний эв нэгдлийг бусниулах зүйл ангиар шалгаж байна. Тухайлбал Монгол Улсын үндэсний аюулгүй байдал, тусгаар тогтнол, язгуур өв соёл, түүхийг илтэд гуйвуулж гутаан доромжилсон гэх үндэслэлээр саатуулан шалгаж, 2026 оны есдүгээр сарын 2-ны өдөр 30 хоногийн хугацаагаар цагдан хорих шийдвэр гаргасан.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.