Непалд үерийн нурангид 60 цаг дарагдсан зургаан настай охиныг аварчээ
Непал болон Төвөдийн хил орчмын бүс нутагт тохиосон гамшигт үерийн үеэр нурангид дарагдаж, 60 орчим цаг гацсан зургаан настай Маниша Таманг охиныг аврагчид эсэн мэнд олж, аврах ажиллагаа явуулжээ.
Непалын хойд хэсгийн Расува дүүргийн Тимуре тосгонд аврах ажиллагааг гүйцэтгэсэн бөгөөд охин одоо Катманду хотын эмнэлэгт эцэг эхийн хамт эмчлүүлж байна.
Аврах ажиллагаа наймдугаар сарын 28-ны баасан гаргийн өдөр болсон бөгөөд Зэвсэгт цагдаагийн алба хаагчид нурсан хамгаалалтын байрны нуранги дунд эрэн хайх ажиллагаа явуулж байхдаа шавар, хөрсний зузаан давхарга дороос сулхан дуу чимээ сонсжээ.
Аврагчид нарийвчлан шалгасны дараа хүүхдийн уйлах дуу болохыг тогтоож, хоёр цаг гаруй болгоомжтой ухсаны үр дүнд Маниша охиныг гаргаж авсан байна. Цаг агаарын байдлаас шалтгаалан охиныг бямба гаргийн үдээс хойш Катманду эмнэлэгт хүргэсэн байна. Охин нүүр болон мөчдөдөө хөнгөн гэмтэл авсан байна.
Эх сурвалж:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.