Түрээслээд өмчлөх орон сууцны бүртгэл энэ сард эхэлнэ
“Солонго I, II” төслийн орон сууцыг иргэдэд түрээслээд өмчлөх, түрээслэх гэсэн хоёр журмаар олгохоор болжээ.
Түрээслээд өмчлөх орон сууц гэж түрээслэгч нь түрээслэж байгаа орон сууцаа өмчлөх зорилгоор тав хүртэлх жилийн хугацаанд түрээсийн төлбөрөөс гадна нэмэлт төлбөр төлж хуримтлуулан тухайн орон сууцны үнийн дүнгийн 30 хувийг төлсөн тохиолдолд орон сууцны зээлд хамрагдан түрээсийн орон сууцаа худалдан авч өмчлөх боломжтой орон сууцыг хэлнэ.
Хамрах хүрээ:
-Төрийн албан хаагч
-Хувиараа бизнес эрхлэгчид
-Залуу гэр бүлүүд
-Ахмад настан
-Дөрөв ба түүнээс дээш хүүхэдтэй гэр бүл
-Өрх толгойлсон иргэн
-Байгалын гамшигт орон гэрээ алдсан өрх
-Хөгжлийн бэрхшээлтэй иргэд ДАН системээр бүртгэлээ илгээнэ.
Бүрдүүлэх материалын жагсаалт:
Үндсэн болон Хамтран түрээслээд өмчлөгч нарын:
-Иргэний үнэмлэхний хуулбар /лавлагаа/, цээж зураг
-Түрээсийн гэрээ
-Өргөдлийн маягт бөглөх /БХБ-ын сайдын 2020 оны тавдугаар сарын 15-ны өдрийн 90 тоот тушаалын хоёрдугаар хавсралт/
-Орлого тодорхойлох баримт бичиг (ажлын газрын тодорхойлолт, цалингийн тодорхойлолт, нийгмийн даатгалын дэвтэр, тэтгэвэр, тэтгэмжийн дэвтэр, хувиараа хөдөлмөр эрхлэгч түрээслэгчийн хувьд орлого нотлох баримт)-ийн хуулбар
-Өөрийн өмчлөлийн инженерын хангамжтай, эсхүл нийтийн зориулалттай орон сууцгүй болохыг тодорхойлсон эд хөрөнгийн эрхийн улсын бүртгэлийн лавлагаа
Түрээсийн орон сууцны үнийн тухайд нийслэл Улаанбаатар хотод хөдөлмөрийн хөлсний доод хэмжээг 1.5–2 хувиар тооцож, мөн холбогдох зохих журмуудыг тусгаж шинэчилсэн. Тус журмуудын хүрээнд түрээсийн орон сууцны үнийг 1 м.кв тутамд 11000–15000 төгрөг байхаар зохицуулсан.
Түрээсийн орон сууц өмлөх иргэнд тавигдах хариуцлага
Түрээслээд өмчлөгч нь гэрээнд заасан төлбөр төлөлтийн хуваарийн дагуу төлбөрөө 14 ба түүнээс дээш өдрөөр хэтрүүлсэн тохиолдолд хугацаа хэтэрсэн хоног тутамд 0.5 хувийн алданги тооцож, төлбөрийг төлүүлнэ.
Тавигдах үндсэн шаардлага:
-Улаанбаатар хотод байнга оршин суудаг, эрх зүйн бүрэн чадалтай, 18 насанд хүрсэн Монгол Улсын иргэн байх
-Гэр хороололд амьдардаг, өөрийн өмчлөлийн инженерын хангамжтай орон сууцгүй, эсхүл өмчилж байгаагүй байх
-Тогтвортой ажлын байртай, тухайн байгууллагадаа нэгээс дээш жил ажилласан байх.
-Орон сууцны төлбөрийн нийт дүнгээс иргэн өөрийн боломжит хэмжээгээр урьдчилгаа төлбөрийг төлж болно.
-Өрхийн сарын дундаж орлогын 45 хувиас илүүгүй нь дор дурдсан төлбөрийг төлөхөд хүрэлцэхүйц байх.
➤Түрээсийн төлбөр
➤Орон сууцны өмчлөх төлбөр
-Шүүхийн шийдвэрийн дагуу өр, төлбөрийн үүрэг хүлээгээгүй байх
-Төрөөс хэрэгжүүлсэн орон сууцны хөнгөлөлттэй зээлийн хөтөлбөрт хамрагдаж байгаагүй байх
-Түрээсийн орон сууцанд хамрагдах иргэнд тавигдах шаардлагыг хангасан байх.
Сурталчилгаа
Сэтгэгдэл (138)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.