Берлин хотын баярын жагсаалын үеэр халдлагын улмаас нэг хүн амиа алджээ
2026 оны долоодугаар сарын 25-ны Бямба гарагийн орой ХБНГУ-ын Берлин хотын төвд зохион байгуулагдаж байсан "Берлин Прайд" баярын жагсаалын үеэр цагаан өнгийн автомашин хурдтайгаар явган зорчигчид руу дайран орж, нэг хүний аминд хүрч, 16 хүнийг гэмтээсэн хэрэг гарлаа.
Энэ хэрэг орон нутгийн цагаар 22:00 цагийн орчимд Бранденбургийн хаалганы ойролцоох Тиергартен цэцэрлэгт хүрээлэнгийн Ахорнштайг замд болсон бөгөөд гэмт этгээд хэргийн газраас машинаа орхин зугтсан байна.
Берлин хотын цагдаагийн газраас мэдээлснээр, халдлагын улмаас нийт 17 хүн өртсөнөөс нэг эмэгтэй амиа алдаж, 16 хүн хүнд, хөнгөн хэлбэрээр бэртэж гэмтжээ. Түүнчлэн гэрчүүд автомашинд дайруулсан хүмүүсээс гадна хутганд сийчүүлсэн шархтай иргэд байсан талаар мэдээлсэн юм.
Одоогоор гэмт хэрэгтнийг хэн болохыг тогтоогоогүй байгаа бөгөөд цагдаагийнхан эрэн сурвалжлах ажиллагааг үргэлжлүүлж байна.
Эх сурвалж:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.