Цэрэг нас барсан асуудалд Батлан хамгаалахын сайд Б.Сайханбаярт хариуцлага тооцох эсэх асуудлаар ЗГХЭГ-ын дарга Д.Амарбаясгалангаас тодруулав. 

ЗГХЭГ-ын дарга Д.Амарбаясгалан:

-Цэргийн ангиудад шалгалтын ажил явагдаж байна. Цэргийн амьдрах, суралцах орчин нөхцөлийг сайжруулах, илүү чадварлаг цэргийн байгууллагатай болох чиглэлд иргэдтэйгээ Засгийн газар санал нэг байна.

Монгол Улс хоёр хөрштэйгөө найрсаг харилцаатай учир цэрэг, арми, хилийн аюулгүй байдлын асуудалд илүү анхаарал хандуулж, шаардлагатай төсвийг хангалттай суулгаж чадаагүй нь өнөөдрийн нөхцөл байдалд хүргэсэн гэдэгтээ бид санал нэгдэх ёстой. Энэ асуудалд цаашдаа анхаарч ажиллах ёстой.

Ямар учир шалтгаанаас болж нөхцөл үүссэнийг эцэслэн тогтоогоогүйгээр Батлан хамгаалахын сайдад хариуцлага тооцох асуудлыг ярихад эрт гэж ойлгож болно. Сайдаас шууд хамаарсан алдаа дутагдал мөн үү, үгүйг харгалзан үзэхгүйгээр улс төрийн хариуцлага тооцдог асуудал олон байсан. Цаашид уг асуудлыг аль ч түвшинд бодолцохгүй бол төрийн тогтворгүй байдал бүх шатанд алдагдах аюул ирж байна.

Олон нийтийн шүүмжлэлийг бид хүлээж авч байх ёстой, гэхдээ бодитоор хандах зарчмыг баримтална гэв. 

---