Б.Энхтайван: Э.Цэндбаатарт Киргизстан Улс санал тавьсан эсэх нь өдөр тодорхой болно

МУГТ Э.Цэндбаатарт тун удахгүй болох гэж буй сонирхогчдын боксын дэлхийн аварга шалгаруулах тэмцээнд өөрийнхөө нэрийн өмнөөс тулалдуулах саналыг Киргизстан Улс тавилаа гэх мэдээллийг time.mn сайт олон нийтэд анх хүргэсэн.

Уг мэдээллийг МУГТ Э.Цэндбаатараас тодруулах гэсэн боловч тэрбээр утсаа салгасан байв.

Харин түүний багш Баянгол спорт хорооны дасгалжуулагч Б.Энхтайвантай утсаар холбогдон тодруулахад “Киргизстан Улс Э.Цэнбаатарт иргэншил олгож, өөрийнхөө нэрийн өмнөөс тулалдаач гэсэн санал тавьсан асуудлыг би дөнгөж сая хэвлэл мэдээллийн хэрэгслүүдээс л харлаа. Ийм санал тавьсан гэж Э.Цэндбаатар надад хэлээгүй. Бид хоёр удахгүй уулзахаар товлосон байгаа. Тэр уулзалтын үеэр бүх зүйл тодорхой болох байх” гэв.