Эрүүл мэндийн яамнаас коронавируст халдварын нөхцөл байдлын ээлжит мэдээллийг хүргэлээ.

Сүүлийн 24 цагт цар тахлын халдварын 1,309 шинэ тохиолдол батлагджээ. Нийт илэрсэн тохиолдлын 523 нь Улаанбаатар хотод, харин 786 нь орон нутагт бүртгэгдсэн байна.

Мөн өнгөрсөн 24 цагийн хугацаанд 21-80 насны таван хүн нас баржээ. Ийнхүү коронавирусийн халдварын улмаас эндсэн иргэдийн тоо 745 болж байгаа юм.

Харин халдвар аваад байсан иргэдийн 3,501 нь эдгэрсэн бөгөөд нийт эдгэрсэн хүний тоо 137,602 болж байна.

Цар тахлаар өвчлөн, эмчлүүлж буй иргэдийн биеийн байдлыг үнэлбэл,
Хөнгөн - 5,852
Хүндэвтэр - 2,979
Хүнд - 896
Нэн хүнд - 214 хүн байна.

---