TREND LIVE: Н.Учрал: Амьд явах хамгийн том аз жаргал

УИХ-ын гишүүн Ням-Осорын Учрал "Карантин-14" шоунд мэндчилгээ дэвшүүлсэн нь олон хүний сэтгэлийг хөдөлгөлөө. Хүнд өвчин тусаж, олон сар тулалдсаны эцэст тэрбээр хөл дээр босон, эх орондоо ирээд удаагүй байгаа юм. Тэрбээр, 

-Амьдрах сайхан. Амьдралын сайхныг хүн амьдарч байхдаа ойлгодоггүй юм байна. Эрүүл байх хамгийн сайхан. Амьд явах хамгийн том аз жаргал. Алхам мөч тутамд амьдрах сайхан. Амьд байж гэмээн бусдад аз жаргалаа түгээж амьдардаг. Эрүүл мэнд бол юугаар ч худалдаж авч болдоггүй зүйл гэдгийг би маш сайн ойлгосон. 

Зарим хүмүүс цар тахал, хөл хорионоос болж бухимдаж байна. Эрүүл байх хамгийн чухал. Иймд ийм зүйлд бүү бухимдаарай хэмээн уриалж байна гэв. 

Тэрбээр эцэст нь, өөрийг нь хөл дээрээ босоход тусалсан эмч нар, ачит хүмүүстээ баярлаж талархсанаа илэрхийлээд, эхлүүлсэн олон ажлаа дуусгана хэмээн амлалаа. УИХ-ын гишүүн Н.Учрал нарын эхлүүлсэн тэтгэврийн реформыг олон нийт ихэд сайшаан, ажил хэрэг болно гэдэгт итгэж байгаа билээ.