Япон аварга Оносато эхний өдөр уналаа

Спорт 2026/11/09 10:38 SportsMan

Японы мэргэжлийн сумо бөхийн 2026 оны сүүлийн тэмцээн болох Кюүшү башё Фүкүока хотын "Фукуока кукосай центр"-т албан ёсоор эхэллээ. Тэмцээний эхний өдөр аваргууд болон том цолтой бөхчүүдийн барилдаан шуугиантай, сонирхолтой өрнөв.

effb6d18f9d34a80a114394c0f69d2b6

Кюүшү башёгийн эхний өдрийн барилдааны онцлох мэдээллүүдийг тоймлон хүргэж байна.

Ёкозүна Хошорюү С.Бямбасүрэн үзэгч фэнүүдээ баярлууллаа

Бэртлийн улмаас хэд хэдэн башё өнжөөд байсан Ёкозүна Хошорюү С.Бямбасүрэн эргэн ирж, эхний өдөр шинээр Комүсүби цол хүртсэн Чураноумиг давж Кюүшү башёг ялалтаар эхлүүллээ.

Озэки Киришима Б.Лхагвасүрэн дайчин барилдаж давлаа

Озэки Киришима Б.Лхагвасүрэн эхний өдрийн барилдаанд Маэгаширагийн 2-оос барилдаж буй Уратай тулж, улмаар ошитаоши мэхээр давж эхний даваагаа авлаа.

Ёкозүна Ооносато эхний өдөр унаж шуугиан тарьлаа

Өнгөрсөн Аки башёд түрүүлээд байсан Ёкозүна Ооносато эхний өдөр комүсүби Йошинофүжид цүкиотоши мэхээр унаж, башёг унаагаар эхлүүлэв. Мөн Озэки Аоншики, Озэки Котозакура нар эхний өдөр өрсөлдөгчдөдөө унаснаар дээд цолтнуудад хүндхэн эхлэл боллоо.

Эхний өдөр дээд зиндаанд барилдсан монгол хүчтэнүүд:

Ёкозүна Хошроюү С.Бямбасүрэн /1-0/ - Комүсүби Чураноуми /0-1/
Озеки Киришима Б.Лхагвасүрэн /1-0/ - Маэгашира /2/ Ура /0-1/
Маэгашира /15/ Тамаваши Б.Мөнх-Оргил /0-1/ - Маэгашира /14/ Дэванорюү Т.Тэмүүлэн /1-0/
Маэгашира /9/ Оошёоүма П.Дэлгэрбаяр /1-0/ - Маэгашира /8/ Нишикифүжи /0-1/
Маэгашира /11/ Асахакурюу Р.Жамъянтогтох /1-0/ - Маэгашира /12/ Ичияамамото /0-1/

Маэгашира /13/ Тошинофүжи Ө.Дэмиджамц /0-1/ - Маэгашира /12/ Аби /1-0/

Маэгашира /16/ Кёкүкайюү Ш.Далайбаатар /1-0/ - Маэгашира /17/ Дайсейзан /0-1/

Жич: Тухайн барилдаанд давсан бөхчүүдийн нэрийг тодруулан тэмдэглэсэн болно