АШУҮИС-ийн Нийгмийн эрүүл мэндийн сургуулийн багш Г.Жаргалсайхантай 

• Ковид-19 урьдчилан сэргийлэх гол арга зам болон бол мэдлэг, мэдээлэлтэй байх хэрэгтэй
• Коронавирус нь амны хаалт дээр 1-7 хоногийн хугацаанд амьдардаг
• Олон хүнтэй орчинд олон цагаар байх тусам халдвар авах эрсдэлтэй
• Агааржуулалтыг дутуу хийснээр вирусийн амьдрах хугацааг нэмэгдүүлдэг талаар ярилцлаа.

АШУҮИС-ийн Нийгмийн эрүүл мэндийн сургуулийн багш Г.Жаргалсайхан: Коронавирусийн халдвараас урьдчилан сэргийлэх арга бол хүнтэй зайгаа барьж, амны хаалтаа зүүж хамгаалах боломжтой. Гэхдээ амны хаалттай байгаа мөртлөө халдвартай хүнтэй 15 минутаас дээш хугацаанд байснаар халдвар авах эрсдэлтэй. Халдвар авах нэг эрсдэлтэй орчин бол гадаргуун дээр тогтсон вирусээс. Тийм учраас гараа бохирдсон гэж үзвэл гараа угаах, гараа ариутгахыг зөвлөж байгаа.

• Даавуун амны хаалт вирусээс 80 хувь хамгаалдаг
• Мэс заслын амны хаалт 80-95 хувь хамгаалдаг
• N-95 амны хаалт 95-98 хувь хамгаалдаг.

Даавуун амны хаалтын гадаргуун дээр вирусийн шинж чанараас хамаараад богино хугацаагаар амьдардаг. Тэгвэл мэс заслын болон N-95 маскны гадаргуун дээр чийглэг орчин бүрддэг тул коронавирус 1-7 хоног амьдрах боломжтой. Тэгэхээр амны хаалтаа хэрэглэж дууссаны дараа зааврын дагуу авч, зөв хаях ёстой. Иргэд гадаа ил задгай амны хаалтаа хаяхгүй байхыг зөвлөж байна. Иргэдийн хувьд давхар амны хаалт зүүхээс илүү 3 цаг тутамд амны хаалтаа солих хэрэгтэй.

Халдвараас сэргийлэх гол арга замын нэг бол 15 минутаас дээш хугацаагаар хүнтэй харилцахгүй байснаар халдвараас сэргийлж чадна. Түүнчлэн Ковид-19 урьдчилан сэргийлэх гол арга зам болон бол мэдлэг, мэдээлэлтэй байх хэрэгтэй. Тухайлбал, амны хаалт яаж хамгаалдаг. Агааржуулалтыг яагаад хийх ёстой талаар гээд мэдлэгээ чадвар болгон цаашлаад зуршил болгох хэрэгтэй. Энэ бол амьдралын шинэ хэв маяг юм.

Ямар ч төрлийн вирус агаарт 1-3 цаг амьдардаг. Битүү агааржуулалтыг орчин байх тусам тус газарт ажиллаж, үйлчлүүлж байгаа иргэд халдвар авах эрсдэлтэй. Ийм учраас гэрт, ажил, албан байгууллага, үйлчилгээний байгууллага агааржуулалт маш сайн хийх хэрэгтэй. Агааржуулалтыг дутуу хийвэл вирусийн амьдрах хугацааг нэмэгдүүлдэг. Коронавирус нь хүйтэнд тэсвэртэй.  

---