Их Британийн Зэвсэгт хүчинд гадны иргэд алба хаадаг болов
Гадаад оронд амьдардаг иргэд Их Британийн Зэвсэгт хүчинд алба хаах эрхтэй болсныг Засгийн газар мэдэгдлээ. Хамтын нийгэмлэгийн орнуудын иргэд Их Британид таван жил амьдарсан тохиолдолд Зэвсэгт хүчинд алба хаах эрхтэй байжээ. Харин Батлан хамгаалах яам энэ дүрмийг халлаа. Хамтын нийгэмлэгийн гишүүн орны иргэд Их Британид хөл тавьж үзээгүй байсан ч Зэвсэгт хүчинд зүтгэх эрхтэй болжээ.
Энэ оны эхэнд тус улс 8,200 хуурай газрын ба усан цэрэг, нисэх хүчний нэгжээ цөөлсөн байдаг. Энэтхэг, Австрали, Кени, Шри Ланк, Фижи зэрэг Хамтын нийгэмлэгийн гишүүн орнуудын иргэд Их Британид амьдарч үзээгүй байсан ч цэргийн алба хаах эрхтэй болсноор жил бүр 1,350 цэрэг нэмэгдэнэ гэжээ.
ИБУИНВУ-ын Зэвсэгт хүчин 2016-2017 оны хооронд дэлхий даяар 25 үйл ажиллагаанд оролцсон байна. Өнгөрсөн сард Британийн армид түүхэндээ анх удаа эмэгтэйчүүдийг цэрэгт татах болсноо мэдэгдсэн.
Батлан хамгаалах салбарын төсөв сүүлийн жилд тэрбум фунт стерлингээр нэмэгдсэн тухай ВВС агентлаг мэдээлжээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.