БНСУ: Зээлдүүлсэн мөнгөө нэхсэн монгол эрэгтэйг элэг нэгтнүүд нь зодон хороожээ
Өмнөд Солонгосын Гангвон мужийн Дунгхэ хотод оршин суудаг монголчууд мөнгөний асуудлаар хоорондоо маргалдан, нэгнийгээ зодож, хороосон хэрэг энэ сарын 21-ний өдөр гарчээ.
Энэ сарын 21-н буюу өнгөрсөн долоо хоногийн даваа гарагийн 23:00 цагийн үед 22 настай "А" болон 38 настай "Б" нар хохирогч 48 настай "С"-тэй архи, согтууруулах ундаа хэрэглэсэн үедээ маргалдаж байгаад "С"-г зодож, амь насыг нь хөнөөсөн байна.
Үүний дараа тэд унтсан бөгөөд маргааш нь тэдэнтэй хамт амьдардаг өөр нэгэн монгол иргэн "С"-г нас барсан болохыг нь илрүүлж, албаныханд мэдэгдсэн аж.
Мөрдөн байцаалтын үр дүнд хохирогч "С" хамт амьдардаг байсан "А" болон "Б"-д зээлдүүлсэн мөнгөө авахыг хүсэхэд нь тэд уурлан, түүний биед халдсан болох нь тогтоогджээ.
Цагдаагийн байгууллагаас "А", "Б" нарыг энэ сарын 29-ний өдөр Прокурорт шилжүүлэхээр төлөвлөж байгаа бөгөөд дөрөв дэх монгол иргэнийг Цагаачлалын албанд хүлээлгэн өгсөн байна.
Эх сурвалж: Yonhap News Agency, No Cut News
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.